الأحد، 26 فبراير، 2012

لساك ؟؟؟؟؟؟؟؟



لساك بتضحك؟؟؟؟
طب لسة قلبك قادر يغنى؟
لساه كمان يعرف يطير ؟
ولا خلاص؟
من كتر همك ,
كلفت روحك وحبستها ,
وف سجن قلبك كتفتها ,
سكتها ,خرستها ,
وسيبتها ,
حيرانة مش لاقية الطريق ,

لساك بتحلم ؟؟؟؟
ولا نسيت ؟
ودفنت بكرة مع اللى جاى ,
جوة مدافن ,
 حلم , 
مات لك من سكات ,

لساك بتقدر ؟؟؟؟
ولا إنتهيت ؟
يوم ما التقيت ,
أغلى ما عندك خانك وباع ,
وراح وضاع ,
وسط الحياة ,

لساك بتسمع ؟؟؟؟
 طب خدها حكمه ,
إنت الوحيد ,
اللى ف يوم 
 را ح تبئا  قادر ,
تلم جرحك وتداويه ,.
وتدفى قلبك ,
الجريح ,
وترجعه ,
من وسط توهة زكرياته ,
لجل أما ينبض من جديد .

هناك 6 تعليقات:

  1. وبعد ده كله لساك فيك شويه امل :)

    جميله اوى يا اسمه تسلم ايدك

    ردحذف
  2. تسلمى لى يا كوكو
    يارب ما اتحرم
    <3<3<3

    ردحذف
  3. السلام عليكم
    ربما تكون زيارتى الاولى هنا
    لكنى سعدت بالقراءة وجذبتنى الكلمات المنتقاة بعناية
    دومتى بخير

    ردحذف
  4. مدونة رحلة حياة
    ان شاء الله مش هتكون الاخيرة
    ويارب افضل عند حسن ظنك علطول

    ردحذف