بالليل

بالليل ♥

لما تقرر انك هتنام خلاص
وتمدد كده ع السرير
وتلاقى نفسك بتتقلب يمين وشمال 
مع انك من شويه صغيرين كنت مفرهد وتعبان وهتموت وتنام
تلاقى نفسك مغمض عنيك فعلا 
بس جوه روحك صاحى ومفنجل

بالليل ♥
بتفتكر كل الزكريات اللى عدت عليك
وبتحن لشخصيات زارت ايامك وواحشينك أوى
وبتفتكر ناس فارقتهم وماينفعش تشوفهم تانى :(

بالليل ♥
بتقلب ف اسرارك اللى محدش يعرفها غيرك 
غيرك إنت وبس 
بتفتكرهم كلهم حتى لو فيهم سر فات عليه اكتر من تلات تربع عمرك 

بالليل ♥
بتلاقى قلبك كده شايل م الدنيا
وبيعاتبها وبيلومها على عمايلها معاه

بالليل ♥
بتتنهد تنهيده طويله 
ومن كتر تعبك بتلاقى عينك غلبتك وروحت ف النوم 
وف كل يوم بتتكرر نفس المشاعر 
وبتحس بنفس الاحاسيس 
علشان كل الحاجات دى مش بتحصل غير ♥ بالليل ♥

إنت فاكر؟

إنت فاكر

إن بعدك عنى معناه النهايه ؟

ولا فاكر يوم ما تهجر 

هبكى بعدك ع الحكايه ؟

إنت أصغر من كده 

 
صدقنى .....جايز

كنت يوم ملكك وليك 

 
وبعيش حياتى كلها 

 
علشان عنيك 

 
لكنى حالا بعترف بغلطتى

وإنى صحيت من غفلتى

بعدى عنك 

 
عمره ما هيبئألى غلطه

بالعكس جدا 

 
بعدى عنك

ليا معناه الحياه

بعدى عنك

يبئا برضه طوق نجاه 

 
بعدى عنك 

 
بيه بصالح دنيتى 

 
إمشى وأبعد عن طريقى 

 
وسيبنى أعيش

إمشى وأبعد وكأن يوم

ما قابلتنيش

جوه الحياه

جوه الحياه 

شبابيك كتير متفتحه 

بس انت دور

وانت تلقى اللى انت عايزه 

فتح عيونك للحياه 

خدها ف حضنك

وإبتسم

راح تترسم من فوق شفايفك 

 
أحلى ضحكه 

 
بس انت دور

قلبى الزعلان

وأنا لوحدى

وانا لوحدى,

 
بحس بغربه سكنانى ,

 
بحس بقلبى مش فيا ,

 
ده سابنى 

 
وراح مكان تانى ,

وأنا لوحدى ,

بحن ليوم ,

حضنتك فيه وضمتيك ,

وجوه عنيا خبيتك ,

من الأيام ,

وأنا لوحدى ,

بعيش وياكى يا ملاكى ,

بطل حلمك ,

بموت وأحيا ,

وأنا ف حضنك,

وأنا لوحدى ,

بحس ببرد ف كفوفى,

بيقتلنى,

وحشنى كتفك الدافى ,

اللى كان دايما

مونسنى ,

وانا لوحدى ,

يفوت اليوم ورا التانى 

 
وأنا المجروح

بعيش ايامى من غيرك

حلاوة روح 


وانا لوحدى ,

بعشم نفسى باليوم 

 
اللى راح اجيلك

وأقابلك فيه ,

وبتمنى يكون قرب ,

عشان دايما وانا لوحدى 

 
بفكر فيه .

ف يوم شتا

وف يوم شتا

 
وانت لوحدك ف الطريق 

 
وماشى متدفى بروحك ف المطر  

 
راح تفتكرنى

 
اصل اللى زييى صعب يوم

كده يتنسوا 

 
راح تفتكر صوت ضحكتى

ومعاه صدى صوت خطوتى 

 
راح تفتكر قلبى الكبير

 
اللى ف يوم استحملك 

 
وهتفتكر حنيتى 

 
يوم ما اشتريت لك ورده

 
حمرا مزهره 

 
من ع الطريق 

 
من بت حلوه مضفره

 
خصله سنينها بالشقى

 
وهتفتكر اخر لقا 

 
يوم ما اتداريت بالكلمتين

 
المحفوظين 

 
وجيت عشان تسمع الدرس

اللى حافظه من سنين 

 
ملناش نصيب مع بعضنا

ومشيت وروحت وسيبتنى

ولا يوم سألت 

 
بس اللى انا عارفاه 

 
وكمان متأكده 

 
ان اللى زيى صعب يوم

 
كده يتنسوا 

 
لكن اللى زيك انت 

 
يا دوب 

 
يعيش مع وحدته

و بتمنى

وبتمنى

ف يوم مأكبر

أكون وياك

أكون

ساندة على كتافك

سنين عمرى

أكون لك دار

يدفينا

ف عز البرد

أكون لك حلم

ف منامك

وأسكن

كل أيامك

بتفاصيلى

وبتمنى

ف يوم ما هيبئا بينا فراق

أموت قبلك

واسيبلك روحى يا عمرى

تعيش وياك .

إكتشفت

واكتشفت

 
جوه زحمة روحى توهه 

 
رافضة تغرق

 
ف السكات

وإكتشفت

جوه قلبى

عمر مخنوق

م الأهات

وإكتشفت

جوه عينى

دمع رافض الحياه

وإكتشفت

بأنى عايش

بس

مستنى الممات

انا دمى غالى يا وطن

ساعة الفراق

 
يعمى البصر

 
ممكن ....

 
صحيح....

بس الاكيد

ان القلوب الطيبه

حتسيب مكان

جوه الحياه

وعمرها

ما هتبئا موته والسلام

مسك الختام

انا دمى عمره ما يسوى

يوم حبة فلوس

متنتوره

وان مره هان دمى عليك

على اهلى عمره ما يوم يهون

انا دمى غالى يا وطن

والغالى عمره ما يتحسب

يوم بالفلوس

وان يوم نسيت

ولا اتناسيت

انا عندى رب ف السما

هيجيب لى حقى

وحق كل المظلومين

انا دمى غالى يا وطن

عمره ما يسوى ف يوم فلوس
:(