لحظات فى حياتى

لم استطع أن أتمالك نفسى وأمنعها من البكاء ,كلما تذكرت تللك اللحظة
انها الذكرى الوحيده التى دوما ادعو الله ان ينسينى إياها
... أن يمحوها من حياتى ,
صدى صوت ذلك الزائر مازال فى أذنى ,حروف إسمى التى تخرج من بين شفتيه
كم كرهت أسمى يومها ,
وهو يطلب منى الدخول لتوديعه
ويالها من لحظه قاسية ,
لحظة توديعك أحدهم وأنت على علم أنك لن تراه مجددا
نظرت اليه نظرتى الأخيرة
تذكرت أجمل أوقاتى معه
تذكرت حياتى كلها فى تللك اللحظة
كم كان يملك حيوية طفل
وجموح شاب
ودهاء كهل
إنه الوحيد فى هذه الدنيا القادر على احتوائى طفله
الوحيد الذى كنت اشعر بالأمان بمجرد وجوده فى دائرة حياتى
الان ,والان فقط
أودعه بلا رجعه
انها المرة الاخيرة التى اقبل فيها جبينه الطاهر
الذى طالما كنت امسح عرقة واقبله بعد عودته الينا من يوم عمل طويل
أنها المره الاخيرة التى تستطيع اناملى تلمس ملامحه الملائكيه
التى اعتدت دوما على ملامستها فى اوقات ضيقة وغضبة
حتى ارى اروع ابتسامه فى الحياه
إبتسامه طفل يسعد بقدوم العيد
إنها المره الاخيرة التى أرتمى فيها بين احضانه
لاختبىء من قساوة زمن
قلما أجد فيه من يؤتمن
الان فى هذة اللحظة
حان وقت الفراق
فسلاما عليك يا والدى
افتقدك ,وافتقد كل لحظة معك
أحتاجك بشده
اتلهف لملامستك وجهى
أتلهف للنوم بين ذراعيك
ذهبت بالفعل ,وغبت عن دنياى
لكنك بقلبى أبد الابدين
اللهم أرحمه وأمواتنا أجمعين
أسالكم الفاتحه على روحة الطاهرة

بكره حياه

حاسة خيوط الحلم بتجرى

من بين إيدى

خيط ورا خيط

حاسة دموعك

دم يا بلدى

علشان إبنك دمه رخيص

حاسة بقلبك

قايد نار

علشان ثورة الاحرار

بتطلع ف الروح

بتموت

حاسة بضعفك

حاسة بخوفك

م الايام

سامعه صراخك وقت أدان

لما تشوفى الحر إتهان

من اللى حاميه

وعد عليا ووعدى ده دين

لأمسح دمعك مهما إن كان

وحقك بكره هيرجع تانى

وده مش حلم ولا أوهام

لازم صوت الحق هيطلع

مهما الظلم كتم أنفاسه

بكره الشمس تنور ليلك

ونغنى المواويل على نيلك

أنا عشمانه ف بكره يا مصر

يجى ويجيب الخير وياه

أرفعى رأسك يلا يا مصر

ده بكره قريب

بكره حياه

قابلتك صدفة

على فكرة
شوفتك ف منامى
وأنا بشكيلك م اللى واجعنى
شفت ملامحك زى ماهى
مليها الطيبه والحنيه 
شفت عنيك الصافيه تمللى
بتطمنى
شفت اديك الدافية يا ابويا
بتمسح دمعى
لسة بقولك خدنى ف حضنك
ده انا مشتاقة
اترمى فيه
لقيتنى صحيت
وقتها بس
عرفت بأنى قابلتك صدفة
جوه الحلم
قلت ياريتنى ما كنت صحيت 

♥ ♥ ح ب ي ب ى ♥ ♥

لما بحس ببرد الدنيا ,
جى عليا ,
مادد دراعاته ,
بجرى عليك من غير تفكير ,
بحضن إيدك لجل أدفا ,
وقتها بس ,
أنا بطمن ,
مأنت ح ب ي ب ى 

حلم x برواز

وسط توهة زكرياتى ,

وسط براويزى القديمه ,

شفت صورتى بالضفاير ,

ويا مريلتى القديمة ,

شفت وش برىء بيضحك ,

شفت عين مليانة طيبه ,

شفت قلب ابيض صغير ,

شفت نظرة كتير بريئه ,

وقتها سألت السؤال ,

اللى دايما كان شاغلنى ,

هو ليه كل ما نكبر ؟

تختفى فينا حاجات ؟

نفسى أرجع تانى طفله ,

جوا بروازى القديم ,

لو بإيدى كنت أوقف ,

رحلتى ويا السنين .

حرص ولا تخونش

عجبت لك يا زمان ,

ما لئيتش فيك صاحب ,

لو حد ليه مصلحه ,

دوغرى باتصاحب ,

جربت من الاصحاب ,

اشكال كتير والوان ,

فيه اللى بالف وش ,

واللى مالهوش أمان ,

واللى ياكل فى طبقك ,

ودوغرى يجيب فى سيرتك ,

واللى فى وشك بيضحك,

ويجى فى ضهرك يبان ,

العيب مش عيب زمانى ,

العيب ده عيبى أنا ,

قالوها فى الامثال ,

يجى من كام سنة ,

حرص ولا تخونش ,

ودة حل المشكله.

الحسبة بسيطة خالص ,

وخلصنا المسألة.