الأربعاء، 2 يناير، 2013

ف يوم شتا

وف يوم شتا
 
وانت لوحدك ف الطريق 
 
وماشى متدفى بروحك ف المطر  
 
راح تفتكرنى
 
اصل اللى زييى صعب يوم

كده يتنسوا 
 
راح تفتكر صوت ضحكتى

ومعاه صدى صوت خطوتى 
 
راح تفتكر قلبى الكبير
 
اللى ف يوم استحملك 
 
وهتفتكر حنيتى 
 
يوم ما اشتريت لك ورده
 
حمرا مزهره 
 
من ع الطريق 
 
من بت حلوه مضفره
 
خصله سنينها بالشقى
 
وهتفتكر اخر لقا 
 
يوم ما اتداريت بالكلمتين
 
المحفوظين 
 
وجيت عشان تسمع الدرس

اللى حافظه من سنين 
 
ملناش نصيب مع بعضنا

ومشيت وروحت وسيبتنى

ولا يوم سألت 
 
بس اللى انا عارفاه 
 
وكمان متأكده 
 
ان اللى زيى صعب يوم
 
كده يتنسوا 
 
لكن اللى زيك انت 
 
يا دوب 
 
يعيش مع وحدته

ليست هناك تعليقات:

إرسال تعليق