الأربعاء، 28 مارس 2012

لما تحس



لما تحس إنك مش حاسس ,
وإن النور والعتمة إخوات ,
وإنك عايش بين متاهات ,
بتلف الدنيا وبتدور,
مش  شايف غير صورة روحك,
مشروخة,
ف إزاز مكسور ,

لما تحس بطعم الغربه ,
معشش فيك ,
حضنه ماليك ,
وإنت ما بين ملايين الناس ,
بس وحيد ,

لما تحس الامل الباقى ,
جوة حياتك ,
لجل ينور عتمة ليلك
لاضم روحه بحبات قلبك ,
حاضنة لحد ما مات مخنوق ,

لما تحس انك موجود ,
وسط الناس,
بس بجسمك ,
لكن روحك ,
تاهت منك ,
وقت ساعتها ,
هتعرف إنك ,
جواك مات .





                                     

ليست هناك تعليقات:

إرسال تعليق