السبت، 12 نوفمبر، 2011

أرفع راسك فوق





متشعلئين مستنين
 ياخدوا اللى باقى من السنين ,
مستنين ياخدوا البواقى
مش طمعانين
ياخدوا الكتير
حتى البواقى
طب هى فين ؟
دول صبرانين 
والصبر عمره ما يبقى عيبه
العيبه فعلا
هى الرضا
 انك تكون فى يوم ذليل 
مستنى باقى من البواقى
مستنى فضله من السنين
راضى وعاجبك
غيرك يذلك
قوم وأخلع التوب اللى لابسه
توب الخنوع
اوعاك تسيب نفسك ذليل  
قوم واصحى فوق
وخلى دايما
راسك لفوق
فوق اى ظالم
فوق اى خاين
فوق اى حد تجيبه نفسه
يلبسك توب الخضوع

 

هناك 6 تعليقات:

  1. قوم واخلع التوب
    فعلا توب الذل توب الهون
    البس توبك الجديد
    وارفع راسك من جديد

    سما مبدعه كالعاده في مفرادتك :)

    ردحذف
  2. وتبقى الاسود اسود والكلاب كلاب :)

    ردحذف
  3. فكرتها حلوة وبدأتى بدايه قويه جدا
    لكن اعتقد كان ممكن تكملى وبشكل اقوى من كدا
    وماشربش الشاى اشرب ازوزه انا :D

    ردحذف
  4. رونتى : تسلمى يا قمر
    سفاح كرموز: ههههههههه الاسم جميل بصراحة , نورتنى
    تاكاشى : يسلم مروروك , ما اعرفش بئا ده اللى حسيته وطلع منى وعلى فكرة انا مش بشرب ازوزة انا بشرب شاى ;)

    ردحذف
  5. جميله قوى
    الصور والكلمات

    ردحذف
  6. جميله

    اوعاك تسيب نفسك ذليل

    ردحذف