شباك أوضتى كان بيبص
على حوش خالتى أم
فاروق
كنت ببص عليها تملى
وهى بتعجن
وأما بتخبز
كنت بشم ريحة خبزتها
من شباكى
وف الضهريه
كنت ألاقى عم يس
بتاع التين
يجى ويفرش أدام
بيتنا
وف لمتنا ,
كنا نغنى,
وصوت ضحكتنا يلم
الحارة
ونعمل غارة
لحد الليل ما يخش
علينا
وف رمضان
بعد مانفطر
نجرى نحلل بالفوانيس
وليلة العيد كنا
بنسهر طويل الليل
ف قلب الشارع
حاضنين احلامنا
تدفينا
ونخبز كحك صغير نونو
جوة الفرن
يوم ورا يوم
بيعدى علينا
نكبر حبة
وننسى حاجات
لكن لسة الطفل
النونو
معشش فينا
مهما كبرنا
هيفضل ساكن
جوة القلب
يقول حكايات
حلوة أوى وكيوت جدا وعجبتنى خالص
ردحذفمش بقولك ديما انتى كل حاجه بتكتبيها بتبقى مختلفه اوى
ياعم الغنويات الحلوه دى
ردحذفاسردى اسردى وانا هموت عشقا
فكرتينى باللذي مضي :)))
مش الشقاوه والجنون دوال فينا
بس بطعم الحاجات لما كان لسه ليها طعم :)
منتى حبيبتى منورانى ومبسوطة انها جبتك
ردحذفرونتى القمراية
ردحذفلسة الحاجات ليها طعم مادام عايشين وبنتنفس
وقلبنا قادر يحب
منورانى يا قمرة ومبسوطة انى بلمس فيكى حاجات بقلمى
<3
الانسان مهما يكبر بيعيش فى داخله طفولته
ردحذفتحياتى
تحياتى / عمرو يسرى
ردحذفمنورنى