الثلاثاء، 5 مارس، 2013

روحى افرحى


مسكونه ليه بالدمعتين ؟
وقافله ع الفرح البيبان ؟
فرحانه ب الهم ال حاضنك ؟
ولا بالخوف اللى بان ؟ 

روحى افتحى الشيش 
اللى باصص ع الحياه

روحى اضحكى

روحى أحضنى الفرحه 
ال طله من جناين بسمتك

روحى إفرحى 

عمر البكا
ما راح يقصر سكتك
صوت ضحكتك 
هو ال فيه صدى خطوتك

روحى ارقصى 
واتنططى 
فو ق الجراح 

روحى اهمسى
ف ودن بكره 
ووشوشيه 
راح ييجى ومعاه الهنا 

بس انتى 
روحى واوعى 
لحظه تكسلى

هناك 3 تعليقات:

  1. جمييييييييييييييييييييييييييييييييييييييييييييييييييييييييييييلة قوي و الاجمل اني قراتها وانا باسمع الراديو نتاعك :)

    ردحذف