غبيه ف حبك

النهارده شميت البرفان بتاعك اللى كنت بحبه اووى , وانا ماشيه ف الشارع
اتجمدت ف مكانى
ممكن تكون "انت" ؟
الطريق كان زحمه اوى
جريت وسط الناس
فرقتهم
وانا بجرى افتكرت كل ايامنا سوى
افتكرت لحظة الفراق
افتكرت قسوتك عليا
افتكرت نبرة صوتك وانت بتقولى "مش هينفع نكمل مع بعض "
افتكرت عذابى وانا معاك
وعذابى ف بعدك

وقفت
مسحت دموعى
وكملت طريقى
ومشيت وانا بضحك على غبائى
انى لسه بحبك