السبت، 12 نوفمبر 2011

المرايه




ببص فى مرايتى التقيت ,
وش تانى
وش ما فيهوش اى طعم للحياه
وش بارد ,
وش وخداه الجراح ,
وش دبحاه الامانى بسكينتها ,
وش مش لاقى لرجوعه أى سكه ,
دققت أكتر ,
قربت تانى ,
يمكن العيب فى المرايه ,
ولما قربت التقيت ,
بركان جراح
جاى يبكى على اللى راح
غمضت عينى ادارى صورة شوفتها ,
وجريت ,
 وروحت فى الركنايه وحدى هناك بعيد
 اسأل سؤال ,
العيب فى مين ؟
العيب دة عيبى ؟
ولا دة عيب الزمن ؟
ولا دة عيب السنين ؟

هناك 11 تعليقًا:

  1. خلي عندك أمل في بكره
    ديمااااا بكره أحلي بإذن الله
    تقبلي مروري :)

    ردحذف
  2. بجد جميلة جداااا .. تسلم ايديكـ :))

    ردحذف
  3. بل عيب انفسنا يا سمسم

    جميله اوى رغم حزنها :):)

    ردحذف
  4. امينة : نورتينى يا قمر , انا عندى امل يا حبيبتى والله ومش انا بطله الحكايه , دايما بكرة احلى باذن الله وثقتنا فيه وفى نفسنا
    ندى : انتى اجمل يا بنوتة , تسلمى حبيبتى
    رونتى القمر : هاااااااا مش عارفة صدقينى العيب فين بجد , يظل السؤال مطروح ,نورتينى
    (^_^)

    ردحذف
  5. مش عارفة اقولك عيب مين
    بس اغسلي وشك وحطي حبة حاجات
    تخليكي احلي
    وارسمي ابتسامة وتخيلي ضحكة
    بجد هيروح الحزن اللي راسم ملامحك وهتبقي احسن

    ردحذف
  6. ياااااااه والله حلوة اوى وجعت قلبي شويتين بس تستاهل ننحينلها تقديرا

    تحياتى يا قمرايه ومستنيه البوست الجديد

    ردحذف
  7. برنسيستى الغالية منورانى
    منتى : سلامة قلبك يا قلبى ان شاء الله الوحشين وانتى لا ,

    ردحذف
  8. الدنيا عملت فينا كلنا كده
    لو الواحد دقق ووقف وقفة مع نفسه بتبقى وقفة صعبة اوى اصلا
    العيب فالزمن الى عمل فينا كده

    ردحذف