(1)
أنا التايه
وأنا
المغصوب على أمرى ,
أنا
العايش ومش عايش ,
ف
ملكوتك .
(2)
أنا المجروح
وأنا
اللى بعيش ف أيامك ,
حلاوة
روح ,
ومش
عاجبه أساليبك ,
ورافض
أى قول أو بوح .
(3)
أنا العاصى
وأنا
اللى كفرت بقانونك ,
وأنا
اللى إيمانى بسيادتك ,
ف وقت
الجد ,
ما
بحسوش .
(4) أنا المرفوض
وأنا المجبور
على الطاعه ,
وقولة
الأه ,
تقولى
يمين أقول حاضر,
تقولى
شمال أقول طيب .
(5)
أنا الساكت
وأنا
الراضى ببلاويكى ,
عشان
طمعان ,
ف حبة
نور ,
يجونى
من معاليكى .
(6)
أنا العشمان
وأنا
الطمعان ف بلة ريق ,
وقشايه,
عشان
أعبر بحور يأسك ,
بحلم
غريق.
صح لسسانك
ردحذف:)
ردحذف