حاسة خيوط الحلم بتجرى
من بين إيدى
خيط ورا خيط
حاسة دموعك
دم يا بلدى
علشان إبنك دمه رخيص
حاسة بقلبك
قايد نار
علشان ثورة الاحرار
بتطلع ف الروح
بتموت
حاسة بضعفك
حاسة بخوفك
م الايام
سامعه صراخك وقت أدان
لما تشوفى الحر إتهان
من اللى حاميه
وعد عليا ووعدى ده دين
لأمسح دمعك مهما إن كان
وحقك بكره هيرجع تانى
وده مش حلم ولا أوهام
لازم صوت الحق هيطلع
مهما الظلم كتم أنفاسه
بكره الشمس تنور ليلك
ونغنى المواويل على نيلك
أنا عشمانه ف بكره يا مصر
يجى ويجيب الخير وياه
أرفعى رأسك يلا يا مصر
ده بكره قريب
بكره حياه
مفيش رد يوصف جمال كلماتك والموضوع نفسه
ردحذفدام قلما لامعا :)
تسلم يا خالد
ردحذفربنا يباركلك
دمت اخى الصغير , صديقى الكبير
حلوة اوى يا اسمه طبعآ
ردحذفملحظتى البسيطه ووفقآ لثقافتى المتواضعه القافيه كانت محتاجه تتظبط علشان احس بسلسه اكتر وموسيقي وانا بقرأ
بس هى مش ماثرها من جمالها حقيقي ^_^
رونا حبيبتى
ردحذفتحياتى لمرورك
بس ممكن تحددى القافيه مش مظبوطة ف ايه بالظبط؟
علشان انا مش واخدة بالى
شكرا يا قلبى
العفو علي إيه ياقمر بصي
ردحذففي مثلا الجزء بتاع انا عشمانه في بكرة يامصر
يجى ويجيب الخير وياه
رغم انك نهيتى البيت بحرفين مختلفين الا انهم عاملين توازن
الجزء بقي بتاع حاسه بقلبك
قايد نار
فصلنى شويه
غير كدة انتى نوعتى جدآ في الكلمات وعرفتى تحافظى علي الوزن بتاع القصيده
بس دة اجتهاد منى بسيط المهم انتى ابدعتى ^_^
رونا حبيبتى
ردحذفتسلمى يارب
على رأيك الجميل
بصى يا قمر
انا مش شايفة ان
حاسة بقلبك قايد نار
علشان ثورة الاحرار
بتطلع ,,,,, ف الروح
بتموت
( بتطلع ) يا رونا يعنى روحها بتطلع
اقريها بالفواصل دى وانتى هتحسى بيها
وف كل الحوال نورتينى
ومستينيا متابعاتك وتعليقاتك علطول
مش لاقي كلام أقولهولك يا أسماء والله
ردحذفرائعة
تسلمي
وعد عليا ووعد دا دين
لأمسح دمعك مهما ان كان
وحقك بكرة هيرجع تاني
وده مش حلم ولا أوهام
تسلم يا احمد
ردحذفمتشكرة لذوقك والله
نورتنى
اكتر من رائع
حذفاجمل احساس واجمل كليمات وراق كلام مكتوب بايد فضية وقلم وردية
حذفوالقلب ذهبي
صلاح ابو طالب
ردحذفتسلم يارب
دمت زائرا