الثلاثاء، 20 ديسمبر 2011

بكره حياه

حاسة خيوط الحلم بتجرى
من بين إيدى
خيط ورا خيط

حاسة دموعك
دم يا بلدى
علشان إبنك دمه رخيص


حاسة بقلبك
قايد نار
علشان ثورة الاحرار
بتطلع ف الروح
بتموت

حاسة بضعفك
حاسة بخوفك
م الايام

سامعه صراخك وقت أدان
لما تشوفى الحر إتهان
من اللى حاميه

وعد عليا ووعدى ده دين
لأمسح دمعك مهما إن كان
وحقك بكره هيرجع تانى
وده مش حلم ولا أوهام

لازم صوت الحق هيطلع
مهما الظلم كتم أنفاسه

بكره الشمس تنور ليلك
ونغنى المواويل على نيلك

أنا عشمانه ف بكره يا مصر
يجى ويجيب الخير وياه

أرفعى رأسك يلا يا مصر
ده بكره قريب
بكره حياه

هناك 11 تعليقًا:

  1. مفيش رد يوصف جمال كلماتك والموضوع نفسه


    دام قلما لامعا :)

    ردحذف
  2. تسلم يا خالد
    ربنا يباركلك
    دمت اخى الصغير , صديقى الكبير

    ردحذف
  3. حلوة اوى يا اسمه طبعآ

    ملحظتى البسيطه ووفقآ لثقافتى المتواضعه القافيه كانت محتاجه تتظبط علشان احس بسلسه اكتر وموسيقي وانا بقرأ
    بس هى مش ماثرها من جمالها حقيقي ^_^

    ردحذف
  4. رونا حبيبتى
    تحياتى لمرورك
    بس ممكن تحددى القافيه مش مظبوطة ف ايه بالظبط؟
    علشان انا مش واخدة بالى
    شكرا يا قلبى

    ردحذف
  5. العفو علي إيه ياقمر بصي
    في مثلا الجزء بتاع انا عشمانه في بكرة يامصر
    يجى ويجيب الخير وياه
    رغم انك نهيتى البيت بحرفين مختلفين الا انهم عاملين توازن

    الجزء بقي بتاع حاسه بقلبك
    قايد نار
    فصلنى شويه

    غير كدة انتى نوعتى جدآ في الكلمات وعرفتى تحافظى علي الوزن بتاع القصيده

    بس دة اجتهاد منى بسيط المهم انتى ابدعتى ^_^

    ردحذف
  6. رونا حبيبتى
    تسلمى يارب
    على رأيك الجميل
    بصى يا قمر
    انا مش شايفة ان
    حاسة بقلبك قايد نار
    علشان ثورة الاحرار
    بتطلع ,,,,, ف الروح
    بتموت
    ( بتطلع ) يا رونا يعنى روحها بتطلع
    اقريها بالفواصل دى وانتى هتحسى بيها
    وف كل الحوال نورتينى
    ومستينيا متابعاتك وتعليقاتك علطول

    ردحذف
  7. مش لاقي كلام أقولهولك يا أسماء والله

    رائعة

    تسلمي

    وعد عليا ووعد دا دين
    لأمسح دمعك مهما ان كان
    وحقك بكرة هيرجع تاني
    وده مش حلم ولا أوهام

    ردحذف
  8. تسلم يا احمد
    متشكرة لذوقك والله
    نورتنى

    ردحذف
    الردود
    1. اكتر من رائع

      حذف
    2. صلاح ابو طالب13 يناير 2012 في 10:30 ص

      اجمل احساس واجمل كليمات وراق كلام مكتوب بايد فضية وقلم وردية
      والقلب ذهبي

      حذف
  9. صلاح ابو طالب
    تسلم يارب
    دمت زائرا

    ردحذف