الاثنين، 9 يوليو، 2012

اللمبة



اللمبه اللى ف أوضتى إتسرقت ,
ومن يومها ,
مش عارف أنام ,

حاجة غريبه ؟
عمر ما كان للخوف والعتمه ,
ف قلبى مكان ,

كنت بنام على ضى الحلم ,
وأخد بكرة بالأحضان ,
وأتكلفت بحكاوى الجده ,
وأدفى بأيه وأدان ,

لفيت ف شوارع وحوارى ,
أجرت منادى ,
عشان يسأل ,

وف وسط الدوشة اللى عاملها ,
لقيت الكل كمان بينادى ,
حدش شاف اللمبه بتاعتى ؟

أتارينى ,
مش وحدى المسروق ,
ده السارق
كان قصده بلادى .

هناك تعليقان (2):

  1. يا الله فكرتها حلوة يا اسمه اوى
    بجد
    دومتى مبدعه عزيزتى :)

    ردحذف
  2. حبيبتى انتى رونتى
    تسلمى يارب

    ردحذف