اللمبه اللى ف أوضتى إتسرقت ,
ومن يومها ,
مش عارف أنام ,
حاجة غريبه ؟
عمر ما كان للخوف والعتمه ,
ف قلبى مكان ,
كنت بنام على ضى الحلم ,
وأخد بكرة بالأحضان ,
وأتكلفت بحكاوى الجده ,
وأدفى بأيه وأدان ,
لفيت ف شوارع وحوارى ,
أجرت منادى ,
عشان يسأل ,
وف وسط الدوشة اللى عاملها ,
لقيت الكل كمان بينادى ,
حدش شاف اللمبه بتاعتى ؟
أتارينى ,
مش وحدى المسروق ,
ده السارق
كان قصده بلادى .
يا الله فكرتها حلوة يا اسمه اوى
ردحذفبجد
دومتى مبدعه عزيزتى :)
حبيبتى انتى رونتى
ردحذفتسلمى يارب