الأحد، 29 سبتمبر، 2013

فاكر ؟


فاكر لما كنا بنتمشى ف يوم انا وانت ع البحر
ولقيتك مره واحده وقفتنى كده وقلتلى
شايفه البحر ده كله
قلت لك اه شايفاه بس اشمعنى ؟
قلت لى اهو انا بقا بحبك حب ملهوش اخر زى البحر ده كده
بصيت له اوى وقتها وسكت
قلت لى الله ؟ مالك بقا ؟ انتى مش فرحانه ولا ايه ؟
قلت لك ازاى بس مش فرحانه فرحانه طبعا بس خايفه
مسكت ايدى وقلت لى طول مانا جنبك ومعاكى مش عاوزك تخافى ابدا ولا تعملى للدنيا بنت اللذينه دى حساب
واهو ادينى لوحدى ومن غيرك وانت مش معايا
اخاف بقا ؟ ولا ما اخافش ؟
واعمل للدنيا بنت اللذينه حساب ؟ ولا بلاش ؟

ليست هناك تعليقات:

إرسال تعليق