الثلاثاء، 6 سبتمبر، 2011

الحلقة السابعة

الحلقة السابعة ( يوميات سهتانة فى الارياف )
سهتانة + ام سهتانة : شررررررررط ؟ شرط اييييييييييييه ؟
ابو سهتانة : الواد هدهد يروح مع اختة المصيف ورجله تبقى على رجلها وما يفارقهاش -يبقالها زى خيالها كدة  بالظبطودة بقا شرطى الوحيد –
هاااااا؟ قلنوا ايييييييييه
هنا بقا بتسبهل سهتانة وتسهتن على روحها اكتر ما هى مسهتنة                                     امها تميل راسها عليها – ويدور التالى :-
ام سهتانة : ها يا بت ايه رأيك فى الكلام اللى بيقوله ابوكى دة ؟
سهتانة : مش عارفة يا أما والله – المشكله انى معزومة – يعنى هتكسف اوى يا اما لو قلت للبت مبروكة ان ابويا شارط ان الواد هدهد يطلع معايا ----وانتى عارفة كمان ان ابنك هدهد دة مؤذى والجان ما يطيئهوش وعلطول بيتخانق مع الواد هيما اخوها ... مش عااااااااارفة يا اما بجد ؟ مش عارفة ؟
ام سهتانة : بصى يا بنتى سيبيلى انا مبروكة ما بينى وبينها وهفهمها الموضوع
سهتانة L مفزوووعة : ؟ انتوا عاوزين تكسفونى مع حتة الصاحبة الوحيدة اللى طلعت بيها من الدنيا والله دة حرام اللى بتعملوة فيا دة - حررررررررام
بقولك ايه انا مش هكسف نفسى مع صاحبتى ولا هتطفل عليها ولا افرض اخويا البغل دة على الناس -------------بقولك ايه يابا ؟؟؟
ابو سهتانة : نعمين ؟؟؟؟؟؟؟؟؟
سهتانة : انا مش عاوزة اطلع المصيف مع مبروكة –
ابو سهتانة : احسن – ان شالله ما عنك طلعتى يا سهتانة الكلب –
بت وش فأر صحيح وعديمة الرباية .
تجرى سهتانة على سطح بيتهم مفطورة من العياط على خيبة املها السودا – وعلى المصيف اللى طار من ايديها وهى قاعدة زى الكوبا ف البيت وعلى حاجة كمان مهمة اوى اوى – انها ما عرفتش تاخد موقف ولا تعمل زى ما مبروكة صاحبتها نصحتها وفى الوقت اللى سهتانة كانت بتعيط فيه ام سهتانة اتسحبت لغاية اوضة سهتانة واخدت تليفونها المحمول وقعدت تدور فى الاسامى اللى عليه لغايه ما طلعت تليفون مبروكة 
 وداااااااااااااااار الأتى :-
ام سهتانة : الوووووووو
مبروكة : الو – سهتانة ؟
ام سهتانة : لا يا مبروكة يا حبيبتى انا خالتك ام سهتانة – انا بكلمك علشان اقولك اننا كلمنا عمك ابو سهتانة علشان المصيف –
مبروكة : ايوة ياخالتى – وهو قال ايه ؟ وافق صح ؟
ام سهتانة : هو يا ختى وافق وما وافقش ف نفس الوقت
مبروكة : ازاى يعنى ؟ مش فاهماكى يا خالتى ؟
ام سهتانة : بصى يا مبروكة – واسمعينى كويس وطرطئى ودانك – والكلام اللى هقولهولك دة ياريت يا بنتى  البت سهتانة ما تعرفش عنه حاجة .لانى بكلمك من وراها .
هى بعد ما خلصت كلامها مع ابوها – طلعت يا كبدى جرى ع السطح تعيط وتندب حظها المايل .
مبروكة : خير يا خالتى طمنينى على سهتانة هو حصل ايه ؟
وحكت ام سهتانة كل اللى حصل ما بينهم وما بين ابو سهتانة بالتفصيل الممل
أم سهتانة : بس يا بنتى وسهتانة سمعت شرط ابوها واتفلقت  من العياط
– انا مش هكسف نفسى – انا مش هفرض اخويا على حد وهاتك يا برطما
بس يا بنتى هو دة كل اللى حصل.
مبروكة : والله عيب يا خالتى لما سهتانة تفكر بالمنظر دة هو احنا ايه عشرة يوم يعنى ؟ وبعدين ايه يعنى اخويا واخوها كلنا اخوات يا خالتى ومن ناحية الواد هيما انا هئرط عليه ما يتخانقش مع هدهد ويتلم ويحترم نفسه .
ام سهتانة : بس المهم انا ما قلتلكيش حاجة علشان انتى عارفة سهتانة مناخيرها فى السما وطالعة لنا ف العلالى مش عارفة على خيبة ايه .
مبروكة : لا يا خالتى اطمنى انا هتصرف – وروحى انتى وما تحمليش هم .
وخلصت المكالمة كدة بين مبروكة والست ام سهتانة اللى  مش عارفة اللى عملته دة صح ولا غلط بس هى دى الفكرة الوحيدة اللى خطرت على بالها علشان تحاول تحل مشكله بنتها  
وقلبها الابيض الطيب البرىْ زى كل الامهات هو اللى هداها للفكرة دى .
طلعت ام سهتانة على السطح علشان تشئر على بنتها سهتانة وتطمن عليها – لقيتها قاعدة على الارض ووشها للسما وبتعيط
ام سهتانة : اسم الله عليكى يا ضنايا – ياريت يا اختى كان فى ايدى حاجة كنت عملتهالك 0 انتى عارفة ابوكى يا سهتانة حمئى شويتين بس والله قلبه اصفى من اللبن الحليب – معلش يا حبيبتى انا مش عايزاكى تشيلى منه .
سهتانة : هشيل من مين ولا من مين بس يا اما ؟؟من ابويا؟؟؟ ولا من الناس–؟؟؟                   ولا من الدنيا؟؟؟؟؟؟؟ ولا من مين بس يا اما؟؟؟؟
ام سهتانة : روقى بس يا بت – وكل عقدة وليها عند الكريم حلال .
سهتانة : بالك يا اما – انتى فاكرانى بعيط ع المصيف ؟                                              ليه هو انا عيله وشبطانة فى المراجيح ليله المولد؟
لا يا اما انا بعيط على حالى – بعيط على بختى القليل – بعيط على خيبتى وقله حيلتى فى الدنيا – انا خايفة اوى يا اما تعالى احضنينى يا اما والنبى احضنينى جامد ,                                  عاوزة ادفن راسى فى صدرك يا اما .
ام سهتانة : خايفة ؟ خايفة من ايه بس يا ضنايا واحنا كلنا معاكى .
سهتانة : خايفة من الايام يا اما اللى بتاخودنى على غفله – خايفة من الدنيا اللى مش لاقيه حد غيرى تيجى عليه وتمرمطة وتقسى عليه اوى لحد ما تحسسنى انى محبوسة فى قمقم صغير .لحد ما احس انى هموت مخنوقة .
ام سهتانة بتحضن سهتانة اوووى زى ما تكون طفله رضيعة لسه خارجة للدنيا – وبتقرا لها قرأن على راسها لحد ما غفلت سهتانة بين ايدين امها وعنيها راحت فى النوم – ما رضيتش امها تصحيها علشان ما تقلقهاش شالت راسها حطتها على الشلتة اللى على الارض ونامت جنبها وفضلت باصة للسما وتدعى ربنا انه يصلح حال بنتها سهتانة ويفرحها فرحة كبيرة تغير لها نظرتها للدنيا  .
الصبح طلع والنهار شقشق ونور الشمس وسخونيتها صحى سهتانة من نومتهاا
سهتانة : اااااااااة – هو انا جسمى مكسر كدة ليه بس ؟ الله ؟ ايه دة ؟ هو انا نمت ع السطح طول الليل ولا ايه ؟ الله دى امى كمان اهة – اما – يا اما .....
ام سهتانة : ايوا يا سهتانة – صباح الفل على عيونك يا ضنايا .
سهتانة : صباح الخير يا اما – هو احنا نمنا هنا ليه ؟؟
ام سهتانة : ولا حاجة – نمتى يا ضنايا فى حضنى وانا بقرالك قرأن صعبتى عليا قلت ما اقلقيش نومتك ونمت جنبك كمان يا ضنايا .
سهتانة : طيب – لما اقوم بقا علشان اتشطف وانزل ع الشغل  .
ام سهتانة : وانا هقوم ابص على ابوكى والواد هدهد واحضر لكم الفطار .
قامت سهتانة من نومتها وعملت نفس الحاجات اللى بتعملها كل يوم بيفوت وكل يوم هيجى جديد – ونزلت من غير ما تفطر وراحت ع الشغل .
وقضت يومها عاااادى زى كل يوم برضة ما بيعدى عليها عادى
وهى مروحة من الشغل وفى طريقها للبيت – تليفونها ررررررررررررررررن
سهتانة : الوووووووو
مبروكة : الووووووو ازيك يا بت يا سوسو؟ عامله ايه ؟
سهتانةL : كويسة الحمد لله
مبروكة : بقولك يا بت انا هعدى عليكى النهاردة عاوزة اكل فطير من ايد امك .
سهتانة : تشرفى يا حبيبتى فى اى وقت – اهلا وسهلا . ده بيتك .
مبروكة : طيب هعدى عليكى بعد المغرب – يلا سلام .
سهتانة : سلااااام .
روحت سهتانة البيت وقالت لامها تحضر فطير من اللى مبروكة بتحبة علشان هى جايه ونفسها تاكله
ام سهتانة: يا سلام غالى والطلب رخيص
بعد المغرب :-----
خبط باب البيت
ام سهتانة : مييييييين
انا مبروكة يا خالتى
ام سهتانة : يا اهلا يا هلا بست البنات – اتفضلى يا حبيبتى نورتينا والله
سهتانة : تخرج من اوضتها ماسكة بلوزة بتخيط زرايرها – اهلا اهلا يا مبروكة  ازيك يا حبيبتى عامله ايه ؟
مبروكة : انا كويسة – تعالى بقا علشان عاوزة اتكلم معاكى فى موضوع
سهتانة : تعالى يا حبيبتى – خير يارب
مبروكة : خير طبعا ماهو انا مش بيجى من ورايا غير كل خير – بعد ما روحت من عندك اخر مرة بقولهم عندى فى البيت على انى عزمتك ع المصيف الواد هيما اخويا زعل منى وقالى يعنى انتى تجيبى صاحبتك وانا بقا ابقا لوحدى ,  وهاتك يا تنطيط زى القرد بالظبط  وراسه والف صرما قديمة لا ياخد الواد هدهد اخوكى معانا علشان يلعبوا مع بعض.
سهتانة : غرررررررريبة –مع ان يعنى ماتأخذنيش فى الكلمه هدهد وهيما مش بيتفقوا مع بعض خالص.
مبروكة : ومين قالك بس – دى حركات عيال كلها – هو انتى بتاخدى من الكلام دة برضة
سهتانة : طيب يا مبروكة اللى تشوفيه ياختى
سهتانة مش فرحانة اد كدة وحاسة ان فى حاجة غريبة بتحصل  ازاى الواد هيما شبطان فى هدهد وهما اصلا مش بيطيئوا بعض   يلا ما علينا هو احنا لينا اكل ولا بحلئة
سهتانة : والمصيف امتى ان شاء الله علشان اخد اجازة
مبروكة : الاسبوع الجاى يا سوسو ان شاء الله – عاوزاكى كدة تفرحى وان شاء الله هنقضى وقت حلو كلنا مع بعض
سهتانة : ان شاء الله يا مبروكة – دة انا كفايه انى هبقا معاكى يا صاحبة عمرى ويا اكتر من اختى.
مبروكة : وانتى كمان يا سوسو والله – دة انتى صاحبتى الوحيدة يابت.
ام سهتانة : يلا يا بنات الفطير جاهز- ومعاه عسل كمان– هتاكلم صوابعكم وراة .
سهتانة : وهما بياكلوا الفطير والعسل حكت اللى دار بينها وبين مبروكة صاحبتها                  (قال يعنى ام سهتانة مش عارفة اللى فيها )
ام سهتانة J : بتبص لمبروكة بصة الاهلى لما خد الدورى
مش قلت لك يا سهتانة – كل عقدة وليها عند الكريم حلال .
سهتانة : اة – الحمد لله والله الاسبوع دة جه فى وقتة .
الباااااااااااااااب بيخبط
سهتانة : طيب ياللى ع الباب
ابو سهتانة : سلام عليكم
سهتانة L : وعليكم السلام – وحطت وشها ف الارض ومشيت
ابو سهتانة : انتى لسه زعلانة يا سوسو ؟
سهتانة : سوسو ؟؟؟لا يابا مش زعلانة .دة انا عندى ليك مفاجأة .
ابو سهتانة : مش احسن من مفاجأتى انا يا سوسو .
سهتانة + امها + مبروكة : خير ان شاء الله .
ابو سهتانة : خير إن شاء الله – انا بالليل بعد ما زعلتك ماجاليش نوم طول الليل وسمعت الكلمتين اللى قلتيهم لامك ع السطح وقلبى وجعنى , ساعتها بس وافقت انك تروحى المصيف من غير الواد هدهد , انا واثق فيكى وواثق فى مبروكة صاحبة عمرك واهو ابوها وامها مكانى انا وامك هناك وهيخلوا بالهم عليكى وهيحطوكى فى عنيهم زى مبروكة بالظبط .
ام سهتانة + مبروكة : إإإإإإإإإإيه ؟ اه يا هدهد يا ابن المحظوظة                                      فعلا – مصائب قوم عند قوم فوائد .
سهتانة : ايه انتم بتقولوا ايه ؟؟؟؟
امها + مبروكة : ولا حاجة – بنقول شوف الصدف  هههههههه( ضحكة غيظ )
سهتانة : لا يابا وانا ما يخلصنيش قلقك عليا برضو,
مبروكة النهاردة جت مخصوص علشان تقولى ان الواد هيما اخو ها عاوز هدهد معانا فى المصيف علشان يلعبوا هما الاتنين مع بعض.
ابو سهتانة : ههههههههه وماله – العبد فى التفكير والرب فى التدبير .
مبروكة: (متغاظة من ام سهتانة على الاخر )  وبتزغر لها .طيب انا هقوم بقا اروح علشان اتأخرت
سهتانة +امها +ابوها : لسه بدرى والله خليكى شوية .
مبروكة : معلش الايام جايه كتير يلا السلام عليكم
سهتانة +امها +ابوها : وعليكم السلام .
ام سهتانة بتفكر بينها وبين نفسها ازاى تخلى الواد هدهد المؤذى ما يروحش معاهم لان خلاص موضوع سهتانة اتحل ومابقاش فى مشكله انها تروح المصيف مع مبروكة لوحدها ,, وهى سرحانة وبتفكر وفجأة                           بس .............. وجدتهاااااااااااااااااااااااااااااااااااا

                                                          يتبع ,,,,
Asmah Ghazal

ليست هناك تعليقات:

إرسال تعليق