الخميس، 15 سبتمبر 2011

دورى على حد تانى


بعترف ليكى يا دنيا ,
إنك أنتى أذكى  منى ,
بعترف ليكى يا دنيا ,
بس دة بينى وبينك,
قلبى قالى ان انتى خاينة ,
قال كمان الغدر طبعك ,
قلت جايز يفرق ايه ؟
خاينة - بايعة - قاسية - ظالمة ,
فى الاخر هناخد ايه ؟

إلعبى معانا يا دنيا ,
وإظلمى فينا براحتك ,
مإنتى فى الاخر يا دنيا ,
فانيه حكمة قالها ربك ,
يبقى ليه نتعب قلوبنا ؟
ولا ليه نجرى عليكى ؟

إعملى اللى فى مشتهاكى ,
إدى عايز وإحرمى المحتاج براحتك ,
إقفلى فى وش اللى طالبك الف باب,
دوقيهم حسسيهم بالعذاب ,
عشميهم , وإخلى بيهم ,
علئيهم  , شعلئيهم   ,
وقعيهم جوا بير مالهوش قرار ,
مأنتى صاحبة الإختيار ,
توهيهم دوقيهم وحدتك وسط الزحام ,
 
كلمة منى وتسمعيها ؟؟؟؟؟؟؟
طز فيكى والف طز ,
والله ما هتفرق معايا ,
أصل انا عارفة النهاية من البداية ,

لسة عاوزة حاجة تانى ؟
وفرى تعبك معايا ,
صدقينى مش معايا حاجة تانيه تكسبيها ,
خدتى كله ,
إمشى وسيبينى فى حالى ,
دورى على حد تانى ,

هناك 6 تعليقات:

  1. ايه الجمال ده؟

    كئيبه شويه

    بس جامده
    :)

    ردحذف
  2. تسلم خالد - دايما منورنى بتعليقاتك

    ردحذف
  3. جميله قوى و طريقتها حلوه . . .

    تـــســـلـــم أيدك يا قلبي

    ردحذف
  4. تسلمى صديفتى الغاليه ميمى
    ^_^

    ردحذف
  5. احلى واحده قريتها

    فاروق

    ردحذف
  6. فاروق
    هى فعلا اقربهم لقلبى
    واعترف بانها حاله شخصية
    لذلك شعرت معها بالفضفضة والمصداقية
    دمت اخى وصديقى
    (^_^)

    ردحذف