إنك أنتى أذكى منى ,
بعترف ليكى يا دنيا ,
بس دة بينى وبينك,
قلبى قالى ان انتى خاينة ,
قال كمان الغدر طبعك ,
قلت جايز يفرق ايه ؟
خاينة - بايعة - قاسية - ظالمة ,
فى الاخر هناخد ايه ؟
إلعبى معانا يا دنيا ,
وإظلمى فينا براحتك ,
مإنتى فى الاخر يا دنيا ,
فانيه حكمة قالها ربك ,
يبقى ليه نتعب قلوبنا ؟
ولا ليه نجرى عليكى ؟
إعملى اللى فى مشتهاكى ,
إدى عايز وإحرمى المحتاج براحتك ,
إقفلى فى وش اللى طالبك الف باب,
دوقيهم حسسيهم بالعذاب ,
عشميهم , وإخلى بيهم ,
علئيهم , شعلئيهم ,
وقعيهم جوا بير مالهوش قرار ,
مأنتى صاحبة الإختيار ,
توهيهم دوقيهم وحدتك وسط الزحام ,
كلمة منى وتسمعيها ؟؟؟؟؟؟؟
طز فيكى والف طز ,
والله ما هتفرق معايا ,
أصل انا عارفة النهاية من البداية ,
لسة عاوزة حاجة تانى ؟
وفرى تعبك معايا ,
صدقينى مش معايا حاجة تانيه تكسبيها ,
خدتى كله ,
إمشى وسيبينى فى حالى ,
دورى على حد تانى ,
ايه الجمال ده؟
ردحذفكئيبه شويه
بس جامده
:)
تسلم خالد - دايما منورنى بتعليقاتك
ردحذفجميله قوى و طريقتها حلوه . . .
ردحذفتـــســـلـــم أيدك يا قلبي
تسلمى صديفتى الغاليه ميمى
ردحذف^_^
احلى واحده قريتها
ردحذففاروق
فاروق
ردحذفهى فعلا اقربهم لقلبى
واعترف بانها حاله شخصية
لذلك شعرت معها بالفضفضة والمصداقية
دمت اخى وصديقى
(^_^)