السبت، 22 أكتوبر، 2011

الحلقة الحاديه عشر




مبروكة : ايوة ايوة انا مبروكة
الممرضة : تعالى معايا بسرعة , امك عاوزة تشوفك
الجميع : استر يارب , خير ان شاء الله
هنا وقفت مبروكة متجمده فى مكانها , مش حاسة باللى بيحصل حواليها , شايفاهم بس , لكن مش حاسة باى حد , التوقعات والأحتمالات بتلعب ماتش كبير اوى فى دماغها , جرت مبروكة مع الممرضة ودخلت على مامتها الأوضة
مبروكة : سلامتك يأما الف سلامه
أم مبروكة : بتعب شديد: الله يسلمك ..... اسمعينى كويس يا مبروكة يا بنتى
مبروكة : تمسك ايد امها اوووى , اتفضلى يا اما انا سامعاكى
أم مبروكة : بصى يا بنتى انا الظاهر كدة انى كبرت وعجزت وربنا عاوز ياخد أمانته
مبروكة :( بتعيط بعد الشر عليكى يا اما)
أم مبروكة : اسمعينى بس انا مش قادرة اتكلم
مبروكة : انهارت فى العياط
ام مبروكة : تمسح دموع بنتها مبروكة , بصى يا بنتى ابوكى واخوكى امانة فى رقبتك خلى بالك منهم , انتى ملكيش غيرهم من بعدى يا مبروكه , والواد هيما خلى بالك منه يا بنتى
مبروكة : نفسك فى الدنيا يارب وانتى اللى هتخلى بالك مننا كلنا وتفرحى بيا زى ما كنتى وتشيلى ولادى زى ما اتمنيتى مش كدة يا اما ؟ مش دى كانت امنيتك ؟
ام مبروكة : ربنا يسعدك يا مبروكة يا بنتى وقلبى وربى راضيين عليكى ليوم الدين
وهنا راحت الست ام مبروكة فى الغيبوبة تانى , عياط مبروكة وحزنها على أمها بدل ملامح وشها
دخل الدكتور وطلع مبروكة , الكل قلقان على الست ام مبروكة , الكل بيبكى , الكل بيدعى وفات اليوم زى اللى قبله وجه يوم جديد كله فيه عنده امل ان الست ام مبروكة تقوم بالسلامه
الممرضة : تعالوا يا جماعة الست ام مبروكة فاقت وعاوزاكم كلكم
الجميع : الحمد لله , يارب قومها بالسلامة
مبروكة :الف سلامة عليكى يا اما
هيما : اترمى فى حضن امه وباس ايديها
ابو مبروكة : حضن كف أم مبروكة اوووووووى وبيعيط
سهتانة : الف سلامه عليكى يا خالتى , كدة برضة تخضينا عليكى ؟
ام سهتانة : الف بركة يا ختى ان انتى بخير ربنا يقومك لعيالك ولجوزك بالسلامة يارب
ام مبروكة : ربنا ما يحرمنيش منكم , ولا من حنيه قلبكم عليا
الدكتور : طيب يا جماعة ادينا كلنا اطمنا على الست ام مبروكة , والحمد لله هى بخير , يومين بس تبقى تحت الملاحظةو ان شاء الله هكتب لها على خروج
ام مبروكة : يلا بقا كلكم روحوا وارتاحوا كدة وتبقوا تيجوا بكره ان شاء الله
ابو مبروكة : يلا كلكم روحوا بالسلامة وانا هفضل جنبها
مبروكة +هيما : طيب نخلينا معاك يابا يمكن امنا تحتاج حاجة
ابو مبروكة : لا روحوا استريحوا انا موجود معاها لو احتاجت اى حاجة عنيا ليها
وبالمناسبة انا متشكر اوى يا سهتانة يا بنتى ومتشكر اوى يا ست ام سهتانة على وقفتكم جنبنا اليومين دول ربنا يديم المعروف ومانجيلكوش فى حاجة وحشة يارب
سهتانة: لا يا عمى دة اقل واجب , وحمد الله على سلامة خالتى
ام سهتانة : إهىىىى ودة اسمه كلام دة يا حج برضة , دة احنا اهل ,
مبروكة : ربنا يخليكوم لينا وما نتحرمش منكم ابدا , طيب احنا هنمشى بقا ولو احتجت يابا لاى حاجة كلمنى علطول
ابو مبروكة : ان شاء الله يلا خلوا بالكم على نفسكم
الجميع : سلام عليكم
--------------------------------------------------------
ومشيوا كلهم وروحت مبروكة واخوها على بيتهم وسهتانة وامها على بيتهم والكل اكل واستحمى وناااااااااااام , كانوا يومين صعب اوى
وبالليل بقا :

 
سهتانة: انا بحبك اوى يا اما
ام سهتانة : الله مالك يا بت ؟ اشمعنى يعنى ؟
سهتانة : الله هو انا لازم يعنى اقولك بحبك بمناسبة ؟ انا حسيت انى عاوزة اقولك بحبك فقولتها
ام سهتانة: انا كمان ببك يا سهتانة وماليش غيركم يا بت , ربنايخليكم ليا وافرح بيكى انتى واخوكى قادر يا كريم ,
هدهد : جاى من بره كان بيلعب طاولة مع اصحابة فى القهوة اللى قدام البيت
هدهد: السلام عليكم , امااااااااااا عاوز اكل
ام سهتانة : وعليكم السلام , لا هو انا واختك كنا بايتين فى حضنك ؟ ولا كنا بايتين فى حضنك ؟ جتك البلاوى عيل قليل الذوق صحيح ,
هدهد : ههههههههههه وحشتوننننننى وحشتوننننننى ههههههه
سهتانة : ما تشوفش وحش يا اخويا , اتأخرت بره ليه ان شاء الله ؟ انت مش لسه رجلك وجعاك,ولازملك راحة ؟
هدهد : لا الحمد لله انا كويس دلوقت
ام سهتانة: ان شاء الله دايما كويس يا ضنايا
هدهد: ايه دة ؟
ام سهتانة : الاكل
هدهد: مانا عارف انه اكل وهو انا يعنى مابشوفش
سهتانة : اتأدب يا واد وكلم امك عدل
هدهد: ملكيش انتى دعوة انا بكلم امى
سهتانة : دعوة لما تشهلك اتلم يا واد واتكلم معايا بادب , قليل التربية صحيح
ام سهتانة : انت عاوز ايه يعنى دلوقتى ؟
هدهد : عاوز سلامتك يعنى بقالى يومين باكل اى كلام والنهاردة كمان ؟.دة ايه دة ياربى هو تعب الست ام مبروكة هيعم عليا ولا ايه ؟
ام سهتانة : اخص عليك واد قليل الحيا ما تختشيش صحيح , دة بدل ما كنت تيجى تزور الست , الست المحترمة اللى بنتها مش بتسيب اختك ولا بتسيبنا فى اى ظرف , واد دون صحيح
هدهد: يا سااااااااااااتر , خلاص هاكل وامرى لله
سهتانة : امرك لله ؟ طيب
بيخبط باب البيت 

 
سهتانة : ايوة حاااااااااضر
ابو سهتانة : السلام عليكم
سهتانة : وعليكم السلام ازيك يابا ؟ عامل ايه ؟
ابو سهتانة : الحمد لله كويس انا لسة جاى من المستشفى كنت بطل على الست مبروكة 
ام سهتانة : وهى عاملة ايه يا اخويا ؟
ابو سهتانة : بخير الحمد لله احسن كتير , والدكتور بيقول احتمال تطلع بكرة إن شاء الله
سهتانة : ياه يابا دة كانوا يومين صعبين اوى , ربنا يكون فى عونك يامبروكة يا اختى , لما اقوم اكلمها اطمن عليها بقا
سهتانة : ازيك يا مبروكة
مبروكة : الحمد لله , انتى ازيك؟
سهتانة : الحمد لله ياختى بخير , انتى كنتى نايمه ولا ايه ؟
مبروكة : لا لسه صاحيه ,. يااااااااه يا سهتانة دة انا كنت جعانة نووووووم
تصدقى الواد هيما ما اكلش ومن ساعتها نايم
سهتانة : نوم العوافى يارب
مبروكة : انا متشكرة اوى سا سهتانة بجد , انتى مش صاحبتى وبس دة انتى اختى حبيتى والله
سهتانة : والله هزعل منك بجد لو اتكلمتى كدة تانى , احنا اخوات يا بت ,وربنا يعلم معزتك فى قلبى والله
مبروكة : ربنا يديم المعروف
سهتانة : طيب انا كدة الاجازة خلصت , هروح بكرة المدرسة واطلع من هناك على المستشفى علطول , مش عاوزة حاجة اجيبهالك وانا جاية
مبروكة : ربنا يخليكى , طيب ريحى بكرة وانا هروح المستشفى بدرى , انتى تعبتى اوى
سهتانة: ملكيش دعوة انا مش جيالك انتى انا جايه لخالتى
مبروكة : تسلمى لى يا اغلى اخت
سهتانة : ربنا يخليكى , يلا اشوفك على خير بكرة ان شاء الله , سلام
مبروكه : سلام
--------------------------------------------------------
قفلت التليفون سهتانة واكلت ونااااااامت تانى ماهى جعانة نوم
الصبح بدرى :

 
سهتانة : عاااااااااااااااا اصطبحنا وصبح الملك لله ,وادى قوما
يا اماااااااا يامااااااا
ام سهتانة : ايوة يا سهتانة انا على السطح يا بت
سهتانة : صباح الفل يا ست الكل ,ما تعمليش واجب وتعمليلى كوباية شاى على مالبس
ام سهتانة: كوباية شاى ؟ ومااااااااااااله , ماشى يا اختى
سهتانة : تسلمى يا ست الحبايب, ده ايه اليوم الحلو من اوله دة ؟ يا سلااااااام هو انا متفائله كدة ليه ؟
هدهد: صباح الفل على احلى اخت
سهتانة : صباح الخير , خييييييييير مش بعادة يعنى ؟
هدهد: ههههههههه هاتى 5 جنيه
سهتانة : ليه تانى ؟
هدهد : هخرج مع اصحابى
سهتانة : خروجاتك كترت , وخروجة ايه دى اللى من الصبح كدة ؟
هدهد: ابتدينا المحضر بقا , رايح اصطاد
سهتانة : تااااااااااااانى صيد وزفت على دماغك, هو انت ما حرمتش ؟
هدهد: الله فى ايه يا سهتانة ؟هو انا علشان وقعت مرة خلاص مش هصطاد تانى ؟
سهتانة : لا ازاى ؟ اصطاد يا اخويا ولا يهمك , تقولش الواد بيصطاد قال ؟
هدهد : هتدينى الفلوس ؟ ولا ايه ؟
سهتانة : ناولنى الشنطة ,
هدهد : تسلمى لى يا احلى اخت ,موووووووووواة
سهتانة : ماشى ,خد بالك على نفسك يا واد وبالراحة علشان رجلك
هدهد: علم وينفذ سلام يا قمره
سهتانة : سلاااام
ام سهتانة: الشاى يا ست البنات ,
سهتانة : يا سلاااااااااام الشاى فى السرير , لحد عندى , انتى كويسة يا اما
ام سهتانة : الله ؟فى اييييييييه ؟ انتى لا كدة عاجب ؟ ولا كدة عاجب ؟ عيال تجيب الهم
سهتانة : لا والنبى دة عاجب وعاجب اوى كمان ,
ام سهتانة : طيب يلا قومى اشربى  الشاى علشان تتوكلى على الله
سهتانة : حااااااااضر, اماااااااا انا هطلع على خالتى ام مبروكة بعد الشغل ان شاء الله
ام سهتانة: ماشى , وانا هروق البيت واعمل غدا  واروحلها علطول
سهتانة : ربنا يديكى الصحة يا ست الحبايب
ام سهتانة : ويسعدك يا عيون ست الحبايب
سهتانة :يلا هقوم انا بقى اتشطف والبس واتكل على الله
ام سهتانة : يالسلامة ياختى , ربنا يحرسك يارب
-------------------------------------------
نزلت سهتانة فى طريقها للشغل , لاحظت حاجة غريبه أوى , فى حد ماشى وراها , من ساعة مانزلت من بيتها , الله مين ده؟ وماشى ورايا ليه ؟ وعاوز منى إيه ؟
يتبع
Asmah Ghazal
  

هناك تعليقان (2):

  1. عجبتنــــى قـــوى الحلقه دي
    جميله ياســمــســمــتــى

    ردحذف
  2. أيون كده

    بس ياترى مين ال وراها ده

    اكيد ده مخبر

    :P

    ردحذف