الخميس، 6 أكتوبر 2011

أ لا إنت بالحق إسمك إيه ؟


ياللى مأعرفش إنت مين  ,
ولا حتى إسمك إيه ؟ ؟
مستنياك,,,,

قلبى قالى إن إنت جاى ,
جاى تمحى حزن فات,
جاى ومعاك الأمل ,

جاى ومعاك بكرة أحلى ,
والحياه هتبقى أحلى فى جيتك ,
مستنياك,

أنا بدعى ليك فى كل سجده ,
من غير ما عينى  تلمحك ,
بدعى وأنا متأكدة إن إنت جاى,

واثقة أنا فى ربى أوى ,
واثقة انه هيعوضنى بيك ,
ما هو أصله قال الطيبين للطيبات ,

مستنياك يا نصى الجميل ,
تجيلى تشفى قلبى العليل ,
تيجى تنور عتمته,

مستنياك نبدأ حياتنا ,
ونحس بالحلو اللى فاتنا ,
من جديد ,

مستنياك تغزل بأيدك فرحتى ,
مستنياك يوم ما أجى البس طرحتى ,
وفستانى الابيض ,
وأنت معايا إيدى فى إيديك ,
ما تسيبش إيدى فى يومها وأنا بشرط عليك ,
والشرط نور ,


مستنياك  يا عمرى اللى فات ,
يا عمرى اللى  جاى,
يا عمرى  اللى لسه ما عشتهوش ,


مستنياك أب لولادى ,
مستنياك  شربى وزادى ,
مستنياك  ضهرى القوى ,


مستنياك تبقالى أب ,
تبقالى أخ ,
تبقا حبيبى , تبقا لى زوج

مستنياك  وأنا بوعدك ,
هبقى اللى دايما تسعدك ,
مستنياك ياللى اسمك ايه ؟
الا إنت بالحق إسمك إيه ؟

هناك 9 تعليقات:

  1. جميله جداا

    يارب يجيلك بسرعه :)

    ردحذف
  2. هههههههههههههههه
    متشكرين يا عم خالد
    بس على فكرة بقا مش شرط اللى بكتبه يكون حاله شخصية خالص - دى مشاعر واحاسيس بتطلع على الورق
    دمت اخى الصغير وصديقى الكبير

    ردحذف
  3. من إبداع إلى إبداع رائعه يا بنت أسكندريه يا بنت بلدى مع أطيب التمنيات والتوفيق وأنتظر منك المذيد

    زيزو

    ردحذف
  4. تسلم زيزو
    مبسوطة جدا لمرورك الكريم بمدونتى المتواضعة
    اتمنى تكرار الزيارة
    سلمت ابن بلادى

    ردحذف
  5. محمد سيد صالع7 أكتوبر 2011 1:43 م

    جامده أوي
    وجديده فكرتها وجريئه

    ردحذف
  6. 8 تحفة يا مبدعة..على فكرة كلنا و طول العمر مستنيين اسمه ايه.؟؟
    منى الصاوي

    ردحذف
  7. محمد: تسلم يارب
    مونمن حبيبة قلبى من جوا : ماتحرمش منك يارب ونحن فى انتظار اللى اسمه ايييييييه (^_^)

    ردحذف
  8. جميله جدا سا اسمه ربنا يكرمك ويرزقك باابن الحلال انشاء الله لانك تستاهلى كل خير

    فاروق

    ردحذف
  9. فاروق:تسلم يا صديقى
    وماتحرمش من تعليقاتك يااااااااارب

    ردحذف