ياللى مأعرفش إنت مين ,
ولا حتى إسمك إيه ؟ ؟
مستنياك,,,,
قلبى قالى إن إنت جاى ,
جاى تمحى حزن فات,
جاى ومعاك الأمل ,
جاى ومعاك بكرة أحلى ,
والحياه هتبقى أحلى فى جيتك ,
مستنياك,
أنا بدعى ليك فى كل سجده ,
من غير ما عينى تلمحك ,
بدعى وأنا متأكدة إن إنت جاى,
واثقة أنا فى ربى أوى ,
واثقة انه هيعوضنى بيك ,
ما هو أصله قال الطيبين للطيبات ,
مستنياك يا نصى الجميل ,
تجيلى تشفى قلبى العليل ,
تيجى تنور عتمته,
مستنياك نبدأ حياتنا ,
ونحس بالحلو اللى فاتنا ,
من جديد ,
مستنياك تغزل بأيدك فرحتى ,
مستنياك يوم ما أجى البس طرحتى ,
وفستانى الابيض ,
وأنت معايا إيدى فى إيديك ,
ما تسيبش إيدى فى يومها وأنا بشرط عليك ,
والشرط نور ,
مستنياك يا عمرى اللى فات ,
يا عمرى اللى جاى,
يا عمرى اللى لسه ما عشتهوش ,
مستنياك أب لولادى ,
مستنياك شربى وزادى ,
مستنياك ضهرى القوى ,
مستنياك تبقالى أب ,
تبقالى أخ ,
تبقا حبيبى , تبقا لى زوج
مستنياك وأنا بوعدك ,
هبقى اللى دايما تسعدك ,
مستنياك ياللى اسمك ايه ؟
الا إنت بالحق إسمك إيه ؟
جميله جداا
ردحذفيارب يجيلك بسرعه :)
هههههههههههههههه
ردحذفمتشكرين يا عم خالد
بس على فكرة بقا مش شرط اللى بكتبه يكون حاله شخصية خالص - دى مشاعر واحاسيس بتطلع على الورق
دمت اخى الصغير وصديقى الكبير
من إبداع إلى إبداع رائعه يا بنت أسكندريه يا بنت بلدى مع أطيب التمنيات والتوفيق وأنتظر منك المذيد
ردحذفزيزو
تسلم زيزو
ردحذفمبسوطة جدا لمرورك الكريم بمدونتى المتواضعة
اتمنى تكرار الزيارة
سلمت ابن بلادى
جامده أوي
ردحذفوجديده فكرتها وجريئه
8 تحفة يا مبدعة..على فكرة كلنا و طول العمر مستنيين اسمه ايه.؟؟
ردحذفمنى الصاوي
محمد: تسلم يارب
ردحذفمونمن حبيبة قلبى من جوا : ماتحرمش منك يارب ونحن فى انتظار اللى اسمه ايييييييه (^_^)
جميله جدا سا اسمه ربنا يكرمك ويرزقك باابن الحلال انشاء الله لانك تستاهلى كل خير
ردحذففاروق
فاروق:تسلم يا صديقى
ردحذفوماتحرمش من تعليقاتك يااااااااارب