الثلاثاء، 11 أكتوبر 2011

شىء إنكسر جوايا


شىء إنكسر جوايا ,
غير  طعم دنيايا ,
حسيته جوا حشايا ,
فى يوم ما بعدت عنى ,

القصه مش بعادك ,
ولا هى كانت فى عنادك ,
القصه فى حاجة حلوة ,
كانت جوايا ليك ,

كنت رسماك ملاك ,
بجد خزلتنى,
لما إفتكرت فى يوم,
إن إنت فهمتنى,
  
أنا ندمانة أكيد,
على صورة حلوة ليك,
فى يوم رسمتها ,

وفى يوم غصب عنى ,
لقيتنى بشيلك منى ,
وبقطع كل حاجه ,
كانت ربطانى بيك,

انا مش زعلانه منك ,
علشان بعدت عنى,
انا زعلانه على نفسى,
إنى قللت منها ,
وسمحت تقرب ليك.

هناك 5 تعليقات:

  1. لا جب الندم أو "الزعل من النفس" على تصرف ما قام به الانسان.... فقط عليه التعلم من أخطائه فى الحكم على موقف ما حتى لا يقع فى الخطا مرة اخرى... و خصوصا لو كانت المسالة متعلقة بالعواطف البشرية...
    تحياتى و تقديرى....

    ردحذف
  2. صدقي او لاتصدقي كل قصه بتنتهى مش بتخلي الواحد يندم قد ما بتخلي اوعى وانضج فيما بعد وبتبقي في وراها غايه وعبره فعلا

    وانتى الكسبانه في النهايه:)

    ردحذف
  3. خالد : دمت اخى الصغير وصديقى الكبير
    مهندس احمد : هو فعلا لا يجب لكن للاسف الشديد مش كل حاجة تندرج تحت قايمة لا يجب بيسهل تنفيذها ,نورتنى والله
    رونا : صديقتى القمراية احترم رايك جدا لكن صوابعك مش زى بعضها
    نورتونى كلكم والله
    (^_^)

    ردحذف