رساله الى رجل سكن أعماق قلبى

حبيبى اللى محبتش ومش هحب حد غيره, أنا بكتب لك وأنا عارفه إننا مش لبعض , وإننا مش هنتقابل تانى حتى ولو صدفة ,
بس بكتب لأنى بجد حاسة اوى إنى محتاجة أكتب ,
وحشتنى أوى أيامى معاك ,       

وحشتنى أوى خناقاتنا البسيطة الصغيره,
وحشتنى تفاصيل كتير عشناها مع بعض ,

فاكر لما خاصمتنى علشان لبست البنطلون إياه اللى إنت مش بتحبنى ألبسه ؟

فاكر لما قلت لى ما تحطيش روج تانى وجيت من غير ما تقولى انك جاى ولقيتنى حاطاه ؟

ومكلمتنيش ....إنت بس بصيت لى بصتك اللى انا حافظاها وفهماها ,
قلتلك يا حبيبى دة مش روج دة لون شفايفى الطبيعى على فكرة بس انت مش واخد بالك هههه,
فاكر الحاجات دى ؟ إنت كنت بتبقى زعلان ومتضايق وبتزعق وأنا بضحك ,
وتقولى ممكن أعرف بتضحكى على ايه؟ أقولك بضحك علشان مبسوطة بحبك ليا وغيرتك عليا,
 طيب فاكر يوم راس السنة لما كنت تعباااانة ؟
وفضلت معايا  طول الليل على التليفون وإستقبلنا السنة الجديدة مع بعض ودعينا احنا الاتنين نفس الدعوة فى نفس الوقت ,
فاكر لما أنت تعبت ورحت المستشفى وفضلت اعيط طول الليل علشان مش هعرف اجى لك ؟
وتانى يوم لقيتنى أدامك الصبح بدرى ,
وقلت لى يأحلى مجنونة فى الدنيا,
فاكر لحظاتنا المجنونة  والشقية ؟
فاكر لحظات حزننا ودموعنا ؟
ياترى فاكر يا حبيبى كل الحاجات دى ؟ ولا مش فاكر حاجة ؟
طيب فاكر يوم فراقنا ؟ 

فاكر لما غصبن عننا ومش بإرادتنا خلصت الحدوتة على مافيش نصيب ؟
أهو دة اليوم الوحيد اللى مش عاوزة افتكرة , ودة اليوم الوحيد اللى نفسى أمحيه بأستيكة من تاريخ حياتى كله ,
أة .....إفتكرت إحنا اخر مرة إتفقنا إننا هنبعد للأبد ,
لإن بجد ما ينفعش نكمل مع بعض,
لإن ما ينفعش نجرح بعض ولا نتعب بعض بحبنا  ,
 الظاهر إنك من كتر مأنت واحشنى نسيت أخر عهد بينا ,

اخرحاجة أحب اقولهالك إنى ببساطة مش قادرةأنساك ,
                         وببساطة أكترمش قادرة ولا أحس ولا أشوف راجل تانى غيرك ,

لإنك بجد سكنت أعماق قلبى وإستقريت فيه ,
يااااااااااااااه لو بس أشوفك لحظة واحدة ؟
لحظة واحدة بس , أملى بيها عينى  بملامحك اللى وحشتنى , 
بس عارف ؟انا مش هبعت الجواب دة على فكرة
انا هحتفظ بيه معايا , لأن فعلا ما ينفعش أبعته
وما ينفعش تقراه ,
بحبك.
(^_^)