الاثنين، 8 أغسطس، 2011

عذرا .........أسامة منير


طبعا من غير لت وعجن وكلام كتير لا بيجيب ولا بيودى اكيد كلنا عارفين مين هو اسامه منير
اسامة منير دة فارس الرومانسية - رسول الحب  وكمان كيوبيد الغرام
واكيد برضة كلنا بنتابع برامجة اللى منوره لنا حياتنا واللى بصراحع من غيرها مش عارفين هنعيش ازاى ؟؟؟؟
وفى يوم من الايام .........
كنت مسنتحه على نفسى وفاتحة الراديو وبسمع أوسا حبيب الملايين  فى حلقة من حلقاتة
انا والنجوم وهواك - ولقيتة متأثر اوى وبيقول
محدش بينجرح اووووووووى غير لما يكون بيحب اوووووى
واتك على اووووووووى دى والنبى
وعليها.... ما عداش يوم والاقى كل العالم ع الفيس منزله نفس الجملة
رسايل موبايلات - كليبات - وفين يوجعك
لكن .... سامحنى يا اوسا انا المرة دى عندى اعتراض
ايوووووون اعتراض
الا يعنى ايه ( محدش بينجرح اووووى غير لما يكون بيحب اووووووووى
 ..وطبعا انا ضد الكلام دة .... ليه؟؟؟ اقولكم انا ليه
انا ممكن ووارد جدا انجرح من حد مش بحبه .لا دة ممكن كمان اكون ما اعرفوش اصلا
اصل الجرح ده مالوش علاقة بالحب خااااااااااالص
الجرح ده له علاقة بالكرامه والاحساس
خد عندك .......وانت بتتكلم مع حد عادى  لا بتحبة ولا بتكرة
هو مش وارد ف وسط كلامكم يروح رامى كلمة تجرحك اوووووووى وتوجعك اوووووووووى
لا وكمان مش ممكن ما تخليكش تنام بالليل ؟؟؟؟؟
خلاص لو ممكن دة يحصل يبقى بيتهيألى ان ما فيش علاقة بين الحب اوى والجرح اوى
وهو ايه يعنى لما اتجرح يعنى ولا اتوجع اوى ولا اى حاجة اوى
هو انا مش بنى ادمة وعايشة ف الدنيا
وبمر بتجارب فى منها الكويسه وفى منها الخايبة النايبة ؟؟
خلااااااااص ولا يهمنى
طول مانا عايشة هفرح وازعل
هقوم وهقع
هتكسر وهتوجع وهمر بكل الاحاسيس اللى موجودة ف الدنيا
يبقى خلاص . ولا يفرق معايا
ها ياترى مش هيفرق معاكم انتم كمان ؟؟؟؟ ولا ايييييييييييييييه ؟

ليست هناك تعليقات:

إرسال تعليق