الجمعة، 5 أغسطس، 2011

مسلسل يوميات سهتانة فى الأرياف ..........

الحلقة : الاولى ( يوميات سهتانة ف الارياف )
طلب بيغنى ف الراديو::::::::::: (ودع هواك وانساه وانسانى)
 (عمر اللى فات ما هيرجع تاااااااااااااااااانى )
ياااااااااااااااه الاغنية دى حلوة اوووووووى
سهتانة : قول يا طلب قووووووووووووووووول
أم سهتانة  :بت يا سهتااااااااااااااااااااانة . انتى يا بت
سهتانة :ااايوة يا أما ...ايوة يا ست الكل
أم سهتانة  : بتعملى ايه عندك يا موكوسة  وسيبانى موحولة
سهتانة : ااااااااانا –
أم سهتانة  : انتى ؟ اة انتى .. اومال مين يا سهتانة الكلب ؟
سهتانة: ولا حاجة يا ست الحبايب يا بركة ...انا  كنت مريحة شوية وبسمع اغانى .
أم سهتانة  : اغاااااااااااااااااااااانى؟؟؟؟؟ اه اومال ايه دى مش اغانى وبس. دى اغانى وافلام كمان. اومال ايه حقك مش فالحة وناصفانى ورافعة راسى ف وسط الحتة .
سهتانة : ييييييييي هى اسطوانة كل يوم دى مش هتخلص ؟؟؟؟؟؟؟؟؟؟؟
أم سهتانة : تخلص ؟  علشان وكستك خلصت يعنى ؟؟؟؟؟؟؟؟؟
سهتانة : عاوزة منى ايه دلوقت – هو انتى بتتعمدى تضايقينى لية – انا عملت لك ايه بس
أم سهتانة  : عملتى اىه  ؟ ان شالله تتعملى ف لقمة يا بعيدة  روحى يا ستهانة يا بنت بطنى قلبلى............
سهتانة : لا والنبى يا أما بلاش دعا الله يخليكى.  خلاص يا ستى حقك عليا مع انى لغاية دلوقت مش عارفة انا زعلتك ف ايه ؟؟يا حبيبتى هو انا ذنبى يعنى ان نحمدة بنت ام مرعى اتجوزت .وان ابتسام بنت الحاجة خديجة خلفت من اسبوع .
انا ذنبى ايه بس ياناس ؟؟؟؟؟؟؟؟؟؟؟
أم سهتانة  : اتلحلحى اتهببى على عينك اعملى اى مصيبة بس ريحينى منك .                                                                اناااااا نفسى اشوفك ف بيت جوزك بقا يا سهتانة انا تعبت يا بنتى من  شيله همك – والله انا حاسة ان طلع لى اتب منك .
سهتانة:  هههههههههه سيبيها على الله والله ياست الكل مسيرها تروق وتحلا  وبكرة تقولى سهتانة قالت –                  اضحكى بقا ..
والله لانا قايمة مكملة غسيل شرابات الواد اخويا هدهد – وهعمل لك حتة كوباااااااااااية شاى انما ايه
أم سهتانة  : روحى يا سهتانة يا بت بطنى قلبى وربى راضين عليكى ليوم الدين
   يتبع ,,,
Asmah Ghazal 
                                                                                                                                                  

ليست هناك تعليقات:

إرسال تعليق