((سهتانة ف الشارع بعد ما نزلت من الميكروباص )
سهتانة : لا حول ولا قوة الا بالله العلى العظيم يارب انا ماليش عندك غير طلب واحد الناس دى بقا تسيبنى ف حالى شوية هااااااااا – يلا الحمد لله على كل شىْ
( سهتانة وصلت المدرسة اللى بتشتغل فيها )
عم إبراهيم البواب : ( يبرم شنباتة ) صباح الخير يأبلة سوسو
سهتانة : (متعجبة ) سوسو ؟؟؟ وماله هى يعنى جت عليك – صباح الفل يا عم إبراهيم....
استر ياللى بتستر بقا – يااااااااارب مالقيش دراكولا ف وشى دلوقتى وعديها جمايل يارب وكملها بالستر
ابلة حكمت ( ناظرة المدرسة ) اهلا وسهلا يا ست سهتانة هانم – خير ان شاء الله ؟ ياترى حصل ايه المرة دى اخر حضرتك عن الطابور ؟؟؟؟؟؟؟؟؟؟؟؟
سهتانة : ( سلام قول من رب رحيم ) صباح الورد يا ابلة حكمت يا قمر المدرسة أنتى.
ابلة حكمت ( مقاطعة سهتانة ) : انطقى ايه اللى اخرك ؟؟؟؟؟؟؟ بيتهيألى يعنى ان دى مدرسة محترمة وليها مواعيد حضور ومواعيد إنصراف مش فرن بلدى ولا طابونة ؟؟؟؟؟؟؟؟؟؟؟؟؟؟؟؟
سهتانة : أنا اسفة يا ابلة حكمت ( ووشها ف الارض ) معلش اصل الميكروباص اللى كنت ركباااااااه ...........
أبلة حكمت ( مقاطعة ) ولا ميكروباص ولا طيارة اتفضلى حضرتك على فصلك دلوقتى وحسابى معاكى بعدين
سهتانة : حاضر ----------- إيه بس الاصطباحة اللى باينة من اولها دى منك لله يا سواق القرد انت . يلا استعنا على الشقا بالله
((((((((((((((((سهتانة ف الفصل ))))))))))))))
سهتانة : صباح الخير يا ولاد –
التلاميذ: صبااااااااااح الخييييييييير ي أبلة سهتااااااااااااانة .
( وطريقة رد العيال طبعا كلنا عارفينها وحافظينها وعارفين بتتلحن ازاى هههههههههههههه).
سهتانة : مين ما عملش الواجب ؟؟؟؟؟؟؟
التلاميذ: محدش رد عليها
سهتانة : يعنى افهم من كدة ان كله عمل الواجب ؟؟؟؟؟
التلاميذ: برضة ثبات ومحدش رد عليها .
سهتانة : انت يا واد يا محروس قوم تعالى ورينى كراستك
محروس : أأأأأأأأأ صلى يا ابة سهتانة انى مش معايا الكراسة - --------- انى نسيتها :(((((((((
سهتانة : نسيييييييتها – تعلالى يا حلو .والله لأنا مطلعة عليك قرف اليوم كله .. ( سهتانة بتزعق لمحروس ) ولما البيه ناسى الكراسة ما اتهببش وقال ليه لما لسانى دلدل من كتر السؤال ؟؟؟؟؟ ها ؟ اتفضل رد
محروس : معلش يأبلة سماح النوبادى مش هنسى الكراسة تانى ( وبدأمحروس ينزل دموع التماسيح ) ;)))
سهتانة ( بقلب ابيض ) : خلاااااص يا ولا اتنيل اقعد ( لا حول الله يارب ) الواد قطع قلبى
محروس: وهو داخل يقعد ( بيطلع لسانة للعيال ) ههههه
سهتانة : طيب نبتدى درس النهاردة وبكرة ان شاء الله هفتش ع الواجب كلة واللى مش هيعمل الواجب ياريت ما يجيش احسن له ماشى ولا مش ماششششششششششششى ؟
التلاميذ : ماشى يا ابلة
الواد حسنى ابن الريس صميدة : قاعد بيعيط ع الدكة بتاعتة –
سهتانة : خير يا واد يا حسنى ؟؟؟؟؟ بتعيط ليه ؟؟؟؟
حسنى : بيعيط اوى وفاتح بقة ع الاخر ------ انى زعلان منك يا ابلة
سهتانة : بتعجب ( زعلان منى انا ؟؟؟؟؟؟؟؟؟؟) ليه كفا الله الشر ؟
حسنى : علشان ابويا وامى اتخانقوا امبارح بسببك
سهتانة : ايييييييه ؟ اتخانقوا امبارح بسببى ؟ تعالى هنا يا واد انت كفايا سياح وفضايح
حسنى : اصل امى كانت بتزعق مع ابويا امبارح قام ايييييييييه ابويا قالها انا هسيبك واروح اتجوز ابلة سهتانة أبله الواد حسنى ابنك ..............
سهتانة : يا نهار اسود ومنيل عليك وعلى امك وعلى ابوك راخر وبعدييييييين ؟
حسنى : ولا قبلين امى سوطت ف وش ابويا وقالت له البت الصفرا دى ام عيون سهتانة هتخطفك منى ؟ طييييييييييب يطلع عليا وعليكى النهار يأابلة سهتانة يا خرابة البيوت العمرانة .
سهتانة : ( وشها اصفففففففر ع الاخر وخايفة موووووووووووت ) وبعدين؟ يا وش الخير ؟
ام حسنى ( تدخل هجم ع الفصل )
ولا قبلين يا حبيببببببببببببببببتى – القبلين والبعدين عندك انتى يا خطافة الرجالة يا ميا من تحت تبن يا ساهية وتحتيكى داهية ............
سهتانة : هو فيه ايه يا ست انتى كمان – هو ايه ياربى البلاوى اللى بتتحدف عليا دى من الصبح – والله ياست ما اديكى امارة ف جوزك اصلا ولا حتى ليا معاة كلام
ام حسنى ( بقها شبه نفق شبرا ) كلااااااااااااااااااااااااااام ؟ لا هو انتى عاوزة كمان يبقا معاه كلام وسلام – اه اومال ايه؟؟؟؟؟
سهتانة : وطى صوتك يا ست انتى انا مش عاوزة فضايح
ام حسنى : انتى لسة شوفتى فضايح دة لسة دة انا هلم العيال وهنزفك ف الحوش كمان
سهتانة ( بتعيط ) والنبى يا ست اسكتى بقا والله ماليا اى علاقة بجوزك دة
مقااااااااااااااااااااااااااااااااااااااااااطعة ( يدخل الريس صميدة اللى عليه العين بتدور )
صميدة : انتى يا وليه يا ام حسنى بتعملى ايه هنا عندك ؟؟؟؟؟
ام حسنى : بعمل ايه ؟؟؟؟؟؟ بفضح لك حبيبة القلب ام عيون جريئة خطافة الرجالة
سهتانة : هو انت يا ريس ابو الواد حسنى ؟؟؟؟؟؟؟
صميدة ( هو كمان فاتح بقه زى مراتة بالظبط ) هههههههههه ايوا انى يا ابله
سهتانة : يا بنى ادم يا متخلف انت تعرفنى ولا فى بينى وبينك حاجة ؟؟؟
صميدة : ان جيتى للحق لا ما اعرفكيش بس اهو ادينا بنتعرف
سهتانة : أدينا بنتعرف ؟؟؟؟؟اما انت صحيح راجل مهزأ .......
صميدة : الله الله الله ؟؟؟؟؟؟؟ ليه بس كدة يا ابلة ؟ هو انا كنت عملت لك ايه بس ؟؟؟؟؟؟- دة انى كنت بهددها
سهتانة : عملت لى ايه ياراجل يابارد – اجرى فهم الوحش اللى انت متجوزة دة انك ما تعرفنيش وانى مفيش بينى وبينك حاجة
ام حسنى : يا صميدة ؟؟؟؟ معناة ايه الكلام اللى انا بسمعه دة ان شاء الله
صميدة : اهىىىىىىىىى انا امبارح واحنا بنتخانق قلت لما اغيظك واهددك بانى هتجوز عليكى وماجاش ف بالى ساعتها غير ابلة سهتانة .
ام حسنى : بتضحك وبرضة فاتحة بقها ع البحرى : جتك ضربة يا شيخ هههههههههههه
سهتانة : ( وهى بتعيط ) خلاص يا ستى خدى بدر الدوجا بتاعك دة من هنا وأتكلوا على الله فضحتونى الهى ربنا يفضحكم انتوا الاتنين .
ام حسنى وصميدة : سلامو عليكم يا ابلة سهتانة ههههههههه- وحقك عليا يا اختى - اللى ما يعرفك يجهلك هههههه
سهتانة : الهى ما تشوفوا سلام يا بعدا ( بتعيط ) يارب ارحمنى بقا انا تعبت بجد والله خلاص – ايه الدنيا دى اللى انا عايشة فيها ؟ ؟ هو ليه الدنيا كلها عليا ؟ حسبى الله ونعم الوكيل – حسبى الله ونعم الوكيل .
يتبع ,,,,,,,,
Asmah Ghazal
ليست هناك تعليقات:
إرسال تعليق