الأربعاء، 24 أغسطس 2011

أسمه غزال والبوفيه المفتوح


من كام يوم عقبالكم يارب وعقبال كل حبايبنا اتعزمت ع الفطار فى احدى اشهر مطاعم الاسكندرية بلدى حبيبتى
ودقت ساعة العمل - دقة ساعة الفطار
الى الأمام - الى الامام
إشى مقلى وإشى مشوى واشى محمر واشى مشمر
ودى سلطة خضرا ودى سلطة حمص اما اللى هناك دى بقا  سلطة زبادى
انا بقا عادى انتم عارفينى طبعا مش اللقمه اللى هتزل صاحبها يعنى
وقفت فى دورى وما بوظتش طابورى
اخدت طبقى ورجعت ترابيزتى بكمالى
فطرت  والحمد لله
طيب يلا يا جماعة الحلو بقا
وبسم الله ماشاء الله
حسيت ان المطعم اتحول لحديقة
غابة من الغابات الاستوائية
فواكة الموسم وكل موسم
أما الحلو يا عينى عليه  كل الاصناف وكل الالوان
اخدت الحلو والفاكهة ورجعت تاااااااانى لترابيزتى
هو ايه وجع القلب دة
هفضل قايمة قاعدة كتير كده ؟؟؟؟
وبعد الاكل وبعد الحلو وبعد الفاكهة 
الناس جم علشان يشيلوا الاطباق اللى المفروض انها فاضية
والاقى الاطباق بحالتها والاكل زى ماهو
وكله فى الزبااااااااااااااااااااااااااااااااله
يا نهار ابيض - هو كل الاكل دة هيترمى فالزباله ؟
طيب هو ليه من الاول اللى قايم يملا طبقة دة ما ياخودش على ادة ؟؟؟
هو اللى قايم يغرف ويحمل دة بياكل الكميات دى فى بيتة ؟؟؟؟؟
لا اله الا الله افتكرت ساعتها اخوانا فى الصومال
والحملات اللى كانت على ودنة ع الفيس بوك
الراعى الرسمى لكل ما هو جديد فى العالم برة وجوة
معلش يا صومال ما تزعليش منى انا ما قدرتش اعملك حمله
ولا اجمع لك تبرعات
كل اللى قدرت لك عليه انى اكتب بجد من قلبى
انى زعلت اوى من جوايا اوى اوى 
وياريت يا جماعة نراعى ربنا اكتر من كدة شوية
اة الصومال؟؟؟؟؟؟؟؟؟ ؟
لكى الله يا صومااااااااااااااااااااااال  

هناك تعليقان (2):

  1. عندك حق
    بتحصل كتير حكايه الاكل الكتير ال بيترمى ده

    هبل بقى وعدم تقدير للنعمه

    ولذلك ربنا مش بيبارك

    ردحذف
  2. صح يا خالد
    شكرا لمرورك الكريم

    ردحذف